عبدالله ال فروان - روحي فدا له (حصرياً) | 2025
Abdullah Al Farwan - Rohi Feda Lah (EXCLUSIVE) | 2025
الكلمات | Lyrics
مترف و زايد جماله
يا حلاه و يا دلاله
صاب قلبي منه نظره
يا عسى روحي فداله
كلّ ما شفت ابتسامه
زاد في قلبي غرامه
هو ضيا ليلي و بدره
وآتأمل في كلامه
لو حكى و الصوت هادي
صوت ما هو صوت عادي
ينعش احساسي بنبره
سارقٍ مني فؤادي
في لقاه البال رايق
كنّ ساعاته دقايق
مبعد ٍ همّي بكبره
وابتسم لو كنت ضايق
قربه و شوفه غناتي
بُعده الحزن و شتاتي
فيني اليا غاب عبره
مرّه تْنكّد حياتي
مقدر آزعّل كيانه
همّي رْضاه و أمانه
وان زعَل او ضاق صدره
ازعل الدنيا عشانه
شوق قلبي ماهدا به
كيف لو طوّل غيابه
حالتي لا غاب خطره
واحد و ماله مشابه
عشقنا دام بْوفانا
نترك الحاقد ورانا
ينقهر و يْموت حسره
ما يأثر في غلانا
راسم ٍ فالقلب رسمه
حظّ قلبي له و قسمه
ما بقى فالدم قطره
تجري الا له و لـ اسمه